İsrail polisi Şərqi Qüdsdə Məscidül-Əqsanın imamı Məhəmməd Əli Abbasini saxlayıb.
Fələstinin rəsmi xəbər agentliyi WAFA-da yer alan məlumata görə, İsrail polisi Məscidül-Əqsanın həyətinə basqın edərək Əqsa imamı Abbasini nəzarətə götürüb.
İsrail polisi saxlanılma ilə bağlı hər hansı bir əsas gətirməyib. Xəbərdə qeyd olunur ki, sözügedən saxlanılma faktı Tel-Əviv rəhbərliyinin Məscidül-Əqsa ilə yanaşı, Əqsa imamlarına və könüllülərinə qarşı artırdığı məhdudiyyətlər çərçivəsində baş vermiş ola bilər.
İsrailin Şərqi Qüdsün, xüsusilə Köhnə Şəhər bölgəsi və Məscidül-Əqsa ətrafında tətbiq etdiyi sərt təhlükəsizlik tədbirləri ilə gərginliyi artırdığı bildirilir. Bu çərçivədə fələstinli din xadimləri və fəalların saxlanılaraq Əqsadan uzaqlaşdırma cəzasına məruz qaldığı ifadə edilir.
