ABŞ Dövlət Katibi Marko Rubio bildirib ki, ABŞ Prezidenti Donald Tramp ilə Macarıstanın Baş naziri Viktor Orban arasındakı şəxsi əlaqə ABŞ və Macarıstan arasındakı güclü münasibətlərin əsasını təşkil edir.
Redaktor.az bu haqda "The Guardian"a istinadla məlumat verir.
“Ölkələrimiz arasında qızıl dövrə daxil oluruq və bu, sadəcə xalqlarımızın uyğunlaşması səbəbindən deyil. Bu, sizin ABŞ Prezidenti ilə olan münasibətiniz sayəsindədir. Prezidentin sizin haqqınızda nə düşündüyü, sizinlə ilk prezidentlik dövründə və indi ikinci prezidentlik dövründə necə əlaqə qurduğunu hər kəs bilməlidir və bu münasibət daha da yaxınlaşıb", - deyə Rubio qeyd edib.
O vurğulayıb ki, Prezident Tramp sizin uğurunuza dərin bağlıdır.
"Çünki sizin uğurunuz bizim uğurumuzdur. Sizin vasitənizlə Mərkəzi Avropada qurduğumuz bu əlaqə ölkəmizin milli maraqları üçün gələcək illərdə həyati əhəmiyyət daşıyır".
Aytəkin TOFİQQIZI
