İtaliyanın şimal-qərbindəki Valle d'Aosta bölgəsindəki Courmayeur xizək kurortunda qar uçqunu nəticəsində 29-35 yaşlarında üç fransız xizəkçi həlak olub.
QHT.az xəbər verir ki, ikisi dərhal, üçüncüsü isə xilasedicilər tərəfindən aşkar edildikdən sonra ağır vəziyyətdə xəstəxanaya aparılarkən ölüb.
Üç fransız xizəkçinin uçqun təhlükəsi zonasında olduğu bildirilir - 2400 metrə qədər yüksəkliklərdə üç ballıq şkala, daha yüksək hündürlüklərdə isə dörd ballıq şkala. Xilasetmə və axtarış əməliyyatlarına Alp Xilasetmə Xidmətinin iki helikopteri cəlb olunub. Xizəkçilər bir metr qalınlığında qar altında qalıblar.
R.İmanov
