“Real Madrid” və Fransa millisinin hücumçusu Kilian Mbappenin atası Vilfrid Mbappe milli komandaya yeni baş məşqçinin namizədliyi ilə bağlı fikirlərini bölüşüb.
Publika.az xəbər verir ki, AS qəzeti Uilfrid Mbappenin sözlərini sitat gətirib:
“Zinəddin Zidanın ideal namizəd olub -olmadığını bilmirəm, amma o, çox yaxşı olardı. Bunu sonradan biləcəyik, amma Deşamın nümunəsini izləmək çox çətin olacaq. Bu gün onda bir çox çatışmazlıqlar tapacağıq, amma o, getdikdən sonra bir çox müsbət keyfiyyətlər tapacağıq. Onun nələrə nail olduğunu və ya geridə qoyacağı uğurları unutmamalıyıq. Əgər Zidan növbəti milli komandanın məşqçisi olarsa, hamımız xoşbəxt olacağıq”.
