"Barselona"nın baş məşqçisi Hans-Diter Flik 20 ildən çox davam edən karyerasının ən ağır məğlubiyyətini alıb.
Fanat.Az xəbər verir ki. bu, İspaniya Kubokunun yarımfinalının ilk oyununda "Atletiko Madrid"lə (0:4) matça təsadüf edib.
Alman məşqçi sonuncu dəfə 2005-ci ildə, "Hoffenhaym"ı çalışdırdığı dövrdə dörd qol fərqi ilə məğlub olmuşdu. Onun komandası Almaniya regional liqa matçında "Kikkers Offenbax"a 2:6 hesabı ilə uduzmuşdu.
Flik 2024-cü ilin yayından bəri "Barselona"ya rəhbərlik edir. Onun rəhbərliyi altında "Blaugrana" La Liqada liderdir.
"Atletiko" ilə kubokun cavab oyunu martın 3-də keçiriləcək.
