Argentina sahillərində aparılan dərin dəniz tədqiqatları zamanı avtobus uzunluğunda nadir “xəyalət meduza” növü aşkar edilib. Kəşf Şmidt Okean İnstitutunun “Falkor” tədqiqat gəmisi ilə həyata keçirilən ekspedisiya çərçivəsində baş tutub.
Alimlər Buenos-Ayresdən Tierra del Fuegoya qədər uzanan ərazilərdə zəngin dərin dəniz ekosistemi qeydə alıblar. Ekspedisiya zamanı nəhəng Bathelia candida mərcan rifi, əlavə rif kompleksləri və yeni növ ola biləcəyi ehtimal edilən 28 orqanizm sənədləşdirilib.
Mütəxəssislər bildirirlər ki, Argentinanın dərin dənizlərində bu səviyyədə biomüxtəliflik görəcəklərini təxmin etməyiblər. Biomüxtəlifliyin, ekosistem funksiyalarının və növlərarası əlaqələrin qarşılıqlı təsirini görmək heyrətamiz olub.
Yeni xəritələşdirilmiş Bateliya mərcan rifinin səth sahəsinə görə Vatikan şəhərinə bənzər bir ərazini əhatə etdiyi deyilir. Rifdə ahtapotlar, xərçəngkimilər və çoxsaylı digər dəniz canlıları yaşayır. Bundan əlavə, bu mərcan növünün əvvəllər məlum olan ərazisindən daha cənubda kəşf edilməsi onun Cənubi Atlantikadakı əvvəlki yayılmasından daha da uzaqlaşdığını göstərir.
Alimlər əldə edilən məlumatların Argentinanın dərin dəniz ekosistemlərinin qorunması və daha yaxşı başa düşülməsi üçün böyük əhəmiyyət kəsb etdiyini vurğulayırlar.Yer kürəsi ilk baxışdan hidrogenlə zəngin görünməsə də, bu element həm suyun tərkibində, həm də planetin dərin qatlarında mövcuddur. Tədqiqatlara əsasən, Yerin nüvəsində dəmirlə bağlı böyük miqdarda hidrogen ola bilər. Bu miqdar okeanlardakı hidrogenin həcmi ilə müqayisədə 9-45 dəfə çox qiymətləndirilir.
Ülkər XASPOLADOVA,
“Azərbaycan”
