NATO-nun baş katibi Mark Rutte Rusiya xarici işlər naziri Sergey Lavrov da daxil olmaqla Rusiya liderlərinin açıqlamalarını ciddiyə almadığını bildirib.
"Ölkə.az" xəbər verir ki, bu barədə RİA Novosti məlumat yayıb.
"Bir müddət əvvəl Rusiya tərəfinin hər bir açıqlamasını, xüsusən də Lavrovun dediklərini ciddiyə almıram. Onların dediklərinin hamısını diqqət yetirmək çətindir", - Rutte deyib.
12 fevralda Rutte Polşa, Litva, Belarus və Kalininqrad bölgəsi arasındakı sərhədin strateji əhəmiyyətli hissəsi olan Suvalki boşluğunu bağlamaq cəhdi olarsa, NATO-nun Rusiyaya "sarsıdıcı" cavab zərbəsi endirəcəyini bildirib. Onun açıqlaması "The Wall Street Journal" qəzetində Rusiyanın Baltikyanı ölkələri bir neçə gün ərzində ələ keçirəcəyini proqnozlaşdıran hərbi ekspertlər tərəfindən aparılan münaqişə simulyasiyasının dərc olunmasından sonra verilib. Moskva dəfələrlə NATO-ya hücum etmək planlarının olmadığını vurğulayıb.
Elvin
Ölkə.az
