İngiltərə Futbol Assosiasiyası (FA) “Mançester Yunayted”in ortaq sahibi Cim Ratkliff barəsində araşdırmaya start verib.
90deqiqe.Az-ın məlumatına görə, buna səbəb ingilis biznesmenin Böyük Britaniyada miqrasiya problemi ilə bağlı səsləndirdiyi fikirlər olub. Ratkliff ölkənin immiqrantlar tərəfindən “koloniyalaşdırıldığını” bəyan etmişdi.
Mənbənin məlumatına görə, FA Ratkliffin açıqlamalarının futbolun nüfuzuna xələl gətirib-gətirmədiyini müəyyənləşdirmək niyyətindədir. Əgər o, təqsirli bilinərsə, biznesmen cərimə oluna bilər.
Qeyd olunur ki, mümkün maliyyə sanksiyası Ratkliff üçün problem yaratmasa da, bu vəziyyət onun üçün “xoşagəlməz situasiya” ilə nəticələnə bilər.
