ABŞ administrasiyası ölkədəki etirazlar zamanı internetə çıxışı bərpa etmək üçün "İrana gizli şəkildə minlərlə Starlink peyk terminalı göndərib".
Turkustan.az xəbər verir ki, “Wall Street Journal” (WSJ) qəzetinə danışan ABŞ rəsmilərinin sözlərinə görə, Vaşinqton administrasiyası ölkədə internetə giriş məhdudiyyətlərindən sonra gizli şəkildə İrana təxminən 6000 “Starlink” terminalı gətirib.
Rəsmilər iddia edir ki, bu, ABŞ-ın Starlink terminallarını birbaşa İrana göndərdiyi ilk əməliyyatdır.
Rəsmilər ABŞ Dövlət Departamentinin əvvəlki aylarda, əsasən yanvar ayında təxminən 7000 Starlink terminalı aldığını iddia edərək, bu alışların İrandakı fəallara internet kəsintilərinin öhdəsindən gəlməyə kömək etmək məqsədi daşıdığını iddia ediblər.
Rəsmilər iddia edir ki, ABŞ prezidenti Donald Tramp daşınmadan xəbərdar idi, lakin planı kimin birbaşa təsdiqlədiyi bəlli deyildi.
İranda davam edən etirazlar zamanı internet kəsintilərindən sonra bəzi nümayişçilər amerikalı milyarder Elon Muskdan onun peyk internet xidməti olan Starlink vasitəsilə ölkə miqyasında internetə çıxışı təmin etməsini istədilər. Buna cavab olaraq, İran təhlükəsizlik qüvvələri ölkəyə qaçaqmalçılıq yolu ilə gətirilən Starlink peyk terminallarını tapmaq üçün intensiv səylərə başladılar.
İran həmçinin ölkədə qadağan olunmuş Starlink tərəfindən təklif olunan internet xidmətlərini əsasən bloklamağı bacarmışdı.
Aytən Yaşar/ Turkustan.az
