BAKI, 12 fevral. TELEQRAF
Fransanın xarici işlər naziri Ceffri Epşteynlə əlaqələri olan və BMT sənədlərini mərhum maliyyəçiyə ötürməkdə şübhəli bilinən orta səviyyəli fransız diplomatla bağlı prokurorluğa məlumat verib.
Məlumata görə, diplomat Fabriss Aydan adı ABŞ Ədliyyə Nazirliyinin açıqladığı 200-dən çox sənəddə yer alır. Həmin sənədlərə 2010–2016-cı illərdə onun şəxsi və BMT hesablarından Epşteynə göndərdiyi elektron məktublar da daxildir.
Fransanın xarici işlər naziri Jan-Noel Barro bildirib ki, nazirlik Aydana qarşı inzibati araşdırma və intizam prosedurlarına başlayıb və ittihamları son dərəcə ciddi adlandırıb. Paris prokurorluğu isə cinayət işi açılıb-açılmayacağına qərar verəcək. Reuters Aydanla əlaqə saxlaya bilməyib, onun "LinkedIn" hesabının isə silindiyi qeyd olunur.
Söhbət BMT Təhlükəsizlik Şurasının brifinqləri və hesabatları da daxil olmaqla bir sıra məxfi sənədlərdən gedir. Bildirilir ki, keçmiş BMT baş katibi Ban Ki-munla Türkiyənin xarici işlər naziri arasında telefon danışığının xülasəsi əvvəlcə Aydanın rəhbərinə göndərilib, daha sonra isə Epşteynə ötürülüb.
BMT baş katibi Antonio Quterreşin sözçüsü Stefan Dujarrik bildirib ki, korrupsiya və məxfi məlumatların yayılması ilə bağlı ittihamlar təşkilatın hüquqi və institusional qaydalarına uyğun şəkildə araşdırılacaq. Onun sözlərinə görə, xüsusi icazə olmadan məxfi məlumatların paylaşılması prosedurlara ziddir.
"Barro RTL" radiosuna açıqlamasında deyib ki, bu elektron məktublar, o cümlədən BMT sənədlərinin ötürülməsi ilə bağlı məlumatlar heyrət doğurur. O, Aydanın fəaliyyəti barədə Mediapart araşdırma saytında dərc olunan materialdan sonra xəbər tutduğunu bildirib. Məlumata görə, yazışmalardan birində Aydan Epşteyndən Parisdəki dəbdəbəli mənzilinin giriş kodlarını istəyib və Epşteyn bu xahişi müsbət cavablandırıb.
Aydan təxminən 2000-ci ildə Fransa Xarici İşlər Nazirliyində çalışmağa başlayıb və hazırda şəxsi məzuniyyətdə olan, qurumdan kənarda işləyən xarici işlər üzrə baş katib kimi təqdim olunur. ABŞ-də Fransanın o zamankı səfiri Jerar Aro sosial şəbəkədə onun Fransaya geri göndərildiyini yazıb və bu barədə Federal Təhqiqat Bürosunun dosyesinin mövcudluğuna işarə edib, lakin təfərrüat verməyib.
Aydan 2006–2013-cü illərdə BMT-nin Nyu-Yorkdakı mənzil-qərargahında ezamiyyətdə olub. Dujarrikin sözlərinə görə, həmin ezamiyyətdən ayrılarkən ona qarşı intizam araşdırması artıq başlamışdı.
Mənbələrin bildirdiyinə görə, Fransa prezidenti Emmanuel Makron ortaya çıxan faktlardan “dərin sarsıntı” keçirib. Hökumətin sözçüsü Mod Brejon isə məhkəmə orqanlarının bu işə baxmalı olduğunu və bu genişmiqyaslı və sarsıdıcı məsələyə tam aydınlıq gətirilməli olduğunu vurğulayıb.
