ain.az bildirir, Azpolitika.az portalına istinadən.
Ruslar Şimali Koreyaya səfər etməli və ölkənin yeni kurortunda dincəlməlidirlər.
“AzPolitika” xəbər verir ki, bunu Rusiya Xarici İşlər naziri Sergey Lavrov Dumada çıxış edərkən deyib.
O iddia edib ki, həmin ölkədə onları "əla şərait" gözləyir: "Mən bu yaxınlarda, keçən il orada idim… hər kəsə ziyarət etməyi tövsiyə etdiyim yeni Vonsan kurortunda oldum. Bizə deyildi ki, bu gözəl kurortda rus turistləri əsas prioritet olacaq: möhtəşəm dəniz, əla şərait".
O, həmçinin qeyd edib ki, BMT Təhlükəsizlik Şurasının sanksiyalarına baxmayaraq, Pxenyanın vəziyyəti ildən-ilə "daha da yaxşılaşır".
FSB Sərhəd Xidmətinin məlumatlarına görə, 2025-ci ildə rekord sayda rusiyalı - 10.000 nəfər Şimali Koreyaya səfər edib. Müqayisə üçün, 2024-cü ildə ölkəyə 6469 rus, 2023-cü ildə isə cəmi 1238 rus səfər etmişdi.
Rusların əksəriyyəti Şimali Koreyaya hava yolu ilə (6371 səfər) və ya qatarla (3453) səyahət edib. Onlar üçün nəzərdə tutulmuş və Şimali Koreya lideri Kim Çen Inın şəxsən nəzarət etdiyi Vonsan kurortu 1 iyul 2025-ci ildə açılıb. 2,8 kvadrat kilometrlik turizm zonası Şimali Koreyanın şərq sahilində yerləşir və eyni anda 20.000 nəfəri qəbul edə bilir. Buraya otellər, ticarət mərkəzləri, restoranlar, dörd kilometrlik çimərlik və digər infrastruktur daxildir. Lavrov fəaliyyətə başladığı ilk günlərdə bu turizm zonasını ziyarət edib və Rusiya hakimiyyətinin KXDR-ə rusların axınının artmasına kömək edəcəyinə söz verib.
“AzPolitika.info”
Ən son xəbərləri və yenilikləri almaq üçün ain.az saytını izləyin.
