Kulis.az saytından alınan məlumata görə, ain.az bildirir.
Kulis.az tanınmış avstriyalı şair Rayner Mariya Rilkenin"Korun nəğməsi" şeirini təqdim edir.
Korluq - mənim içimdədir,
qalan hər şey - çölümdə.
İçimi yırta-yırta
hər an şiddəti artan
bir lənətdi bu korluq.
Lap yuxudakı kimi
dartınıram, uzanıram irəli
ayağımın ucunda;
uzadıram öz görünməz əlimi
görünməz arvadıma -
vurnuxuram haçandı
səs-küy dolu bir lağımın içində.
Gah irəli uzadıram əlimi,
gah da çəkirəm geri -
və hər yandan eşidirəm
sizin bu hay-küylü hərəkətləri.
Amma səhviniz var:
o tək mənəm ki
ruhla, mərhəmətlə doludur içim.
Səslənir içimdə sonsuz inilti -
özüm də bilmirəm nədən, nə üçün;
heç baş açmıram da o hardan gəlir -
ürəyimdən, yoxsa qarnımdan gəlir.
Eşidirsinizmi?
Başqa qammada
səslənir bax, sizin o kantatalar.
Gecə keçib gedir - gün işığına
qərq olur bax sizin o palatalar.
Bağlanıb,
sarmaşıb biri-birinə
solğun üzləriniz, sifətləriniz -
sizin suçunuz yox, siz neyləyəsiz?
Tərcümə edən: Mahir N.Qarayev
Yıldız Tilbenin vəkilindən Vəfa Şərifovaya CAVAB
Özbəkistanda Azərbaycanşünaslıq Mərkəzi yaradılacaq
Elza İbrahimovanın mahnılarından ibarət konsert təşkil olunacaq
Ən son xəbərləri və yenilikləri almaq üçün ain.az saytını izləyin.
