BAKI, 11 fevral. TELEQRAF
Yaponiya hökuməti BMT-nin Təhsil, Elm və Mədəniyyət Təşkilatı (UNESCO) çərçivəsində Ukrayna üçün həyata keçirilən proqramlara 3,8 milyon dollar vəsait ayıracaq.
Teleqraf xəbər verir ki, bu barədə məlumat UNESCO-nun rəsmi saytında dərc olunub.
Bildirilir ki, Yaponiya tərəfindən UNESCO-ya Ukrayna üçün ümumi maliyyə dəstəyi 29,1 milyon dollar təşkil edəcək. Bu vəsait UNESCO-nun Ukrayna üçün cəlb etdiyi maliyyənin təxminən 40%-i deməkdir.
Qeyd olunur ki, bundan əvvəl "NHK" telekanalı Yaponiya hökumətinin NATO çərçivəsində Ukraynaya hərbi avadanlıq təminatı proqramına qoşulmaq qərarını da xəbər vermişdi.
