ain.az bildirir, Demokrat.az saytına əsaslanaraq.
Adətən kosmetika və yaraların sağaldılması üçün istifadə edilən aloə vera bitkisinin beyin sağlamlığı üçün gözlənilməz faydası aşkarlanıb. Mərakeşin Kasablanka Universitetinin mütəxəssisləri tərəfindən aparılan yeni elmi tədqiqat bu bitkinin yaddaş pozğunluğuna qarşı güclü silah ola biləcəyini göstərir. Tədqiqatçıların gəldiyi qənaətə görə, aloə veranın tərkibindəki bəzi elementlər demensiyanın ən geniş yayılmış forması olan Alzheimer xəstəliyinin gedişatını ləngitmək gücünə malikdir.Demokrat.az xəbər verir ki, alimlər aloə yarpaqlarının tərkibindəki təbii birləşmələrin beyin funksiyalarına təsirini dərindən analiz ediblər. Məlum olub ki, bitkinin içindəki beta-sitosterin adlı maddə yaddaşın qorunmasında həlledici rol oynayan neyromediatorların parçalanmasının qarşısını alır. Xüsusilə beyində diqqət və öyrənmə qabiliyyətinə cavabdeh olan asetilxolin səviyyəsini sabit saxlamaqla idrak zəifləməsini ləngitmək mümkündür.Aparılan analizlər beta-sitosterinin orqanizm tərəfindən asanlıqla mənimsənildiyini və zərərli toksik təsirlərinin minimum olduğunu üzə çıxarıb. Bu da bitki mənşəli birləşmənin gələcəkdə Alzheimer əleyhinə hazırlanacaq yeni nəsil dərmanlar üçün əsas xammal olacağını vəd edir.Buna baxmayaraq mütəxəssislər hələlik ehtiyatlı danışmağa üstünlük verirlər. Çünki hazırkı nəticələr yalnız kompüter modelləşdirilməsi vasitəsilə əldə edilib. Aloə veranın rəsmi tibdə Alzheimer müalicəsi kimi qəbul olunması üçün daha geniş laboratoriya sınaqları və insanlar üzərində klinik tədqiqatların aparılması gözlənilir.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
