Vaşinqton parlament seçkiləri öncəsi Nikol Paşinyanın Ermənistan seçiciləri qarşısındakı mövqeyini möhkəmləndirəcəyinə ümid edir.
"Yeni Sabah" xəbər verir ki, bu barədə "Stratfor" beyin mərkəzinin məlumat yayıb.
ABŞ vitse-prezidenti Vensin İrəvana səfəri zamanı Ermənistan və ABŞ mülki nüvə enerjisi əməkdaşlığı müqaviləsi üzrə danışıqları yekunlaşdıran birgə bəyanat imzalayıblar.
Nüvə müqaviləsi Vaşinqtonun Ermənistan və Azərbaycan arasında sülh müqaviləsini İrəvan üçün iqtisadi və enerji dividendlərinə çevirmək, Ermənistanın Rusiya və İrandan uzaqlaşaraq Qərbə doğru şaxələndirilməsini gücləndirmək niyyətini nümayiş etdirir.
ABŞ nüvə əməkdaşlığını infrastruktur, ticarət və texnologiya üzrə daha geniş müzakirələrlə əlaqələndirərək Ermənistanı münaqişədən sonrakı dövrdə regional əlaqə və sabitliyin əsas dayağına çevirməyə çalışır.
Beləliklə, Vaşinqton, görünür, iqtisadi faydaların Baş nazir Nikol Paşinyanın 7 iyun parlament seçkiləri öncəsi Ermənistan seçiciləri qarşısındakı mövqeyini möhkəmləndirəcəyinə və sülh prosesinə ictimai dəstəyin qorunub saxlanılmasına kömək edəcəyinə ümid edir. Həyata keçirilərsə, bu layihələrin Ermənistanda ABŞ-ın təsirini dərinləşdirəcəyi və sülh gündəliyini ölkənin daxili siyasi hesablamalarında daha da gücləndirəcəyi ehtimal olunur.
Ermənistan uzun müddətdir ki, enerji baxımından Rusiya və İrana güvənir və hazırda Rusiyanın köməyi ilə tikilmiş yeganə nüvə reaktorunu dəyişdirmək üçün bir neçə xarici şirkətin təkliflərini nəzərdən keçirir ki, bu da ABŞ-ın bu sektora daxil olmasını strateji bir dəyişiklik halına gətirir.
Vensın səfəri 2025-ci ilin avqust ayında ABŞ-nin vasitəçiliyi ilə Ermənistan və Azərbaycan arasında sülh müqaviləsinin imzalanmasından sonra və "Tramp Doktrinası"nın irəlilədilməsi səyləri fonunda baş verir.
Telegram kanalımız
