Sia Az portalından verilən məlumata görə, ain.az xəbər yayır.
Hazırda doğma Braziliya klubu olan "Santos"da oynayan 34 yaşlı Neymar Dünya Kubokunu qazanmağı arzulayır.
SİA xəbər verir ki, bu barədə "The Touchline" qəzeti məlumat yayıb. Məlumatına görə, əfsanəvi braziliyalı futbolçu Neymar 2026-cı il Dünya Kubokuna dəvət olunmasa, karyerasını bitirməyi düşünməyə hazırdır. Hazırda zədədən sağalma mərhələsində olan Neymar turnirin əvvəlinə qədər formasını bərpa etmək üçün əhəmiyyətli qurbanlar verməyə hazırdır.
Məlum olduğu kimi, Neymar ötən mövsüm "Santos"da 30 oyun keçirib və 11 qol vurub. Qeyd edək ki, Neymar 22 dekabr 2025-ci ildə sol dizindən artroskopik əməliyyat keçirib. 2026-cı ilin əvvəlində o, "Santos"la müqaviləsini ilin sonuna qədər uzadıb.
Karyerası ərzində Neymar milli komandada 128 oyun keçirib, 79 qol vurub və 59 məhsuldar ötürmə edib. Milli komandada sonuncu dəfə 18 oktyabr 2023-cü ildə Dünya Kubokunun seçmə mərhələsində Uruqvaya 0-2 hesabı ilə məğlub olduqları oyunda meydana çıxıb.
Qeyd etmək lazımdır ki, 2026-cı il Dünya Kubokunun özündə, qrup mərhələsində Braziliya Mərakeş (14 iyun), Haiti (20 iyun) və Şotlandiya (25 iyun) ilə qarşılaşacaq.
Qeyd edək ki, Neymar bundan əvvəl futboldakı gələcəyi ilə bağlı qərarını açıqlamışdı.
Daha ətraflı məlumat və yeniliklər üçün ain.az saytını izləyin.
