ABŞ NATO-nun iki əsas komandanlıq postunu - İtaliyanın Neapol və ABŞ-ın Norfolk şəhərlərində - avropalı zabitlərə təhvil verəcək.
Turkustan.az xəbər verir ki, bu barədə “Reuters” öz mənbələrinə istinadən yazıb .
Hesabatda deyilir ki, "Komandanın yenidən qurulmasının bir hissəsi olaraq, avropalı zabitlər hazırda ABŞ admiralları tərəfindən idarə olunan NATO-nun Neapol Birgə Müttəfiq Komandanlığına və Norfolk Birgə Komandanlığına rəhbərlik edəcəklər".
Bunun əvəzinə, ABŞ iyerarxiyada bir qədər aşağı hesab edilən, lakin əməliyyatların planlaşdırılmasında və aparılmasında mühüm rol oynayan üç komandanlığa rəhbərlik edəcək: Müttəfiq Hava Komandanlığı, Müttəfiq Dəniz Komandanlığı və Müttəfiq Quru Komandanlığı. "Bu addım Prezident Trampın Avropa dövlətlərinin öz təhlükəsizlikləri üçün daha çox məsuliyyət daşımaları tələbləri ilə əlaqədardır", - deyə Reuters izah edir.
Eyni zamanda, NATO rəsmi olaraq komandanlığın dəyişikliyinin "gələcək rotasiyaların planlaşdırılması" ilə əlaqəli olduğuna zəmanət verdi.
Aytən Yaşar/ Turkustan.az
