Avropa İttifaqı ilk dəfə olaraq üçüncü ölkə limanlarına qarşı sanksiyalar tətbiq etməyi və Rusiyaya qarşı yeni, 20-ci sanksiya paketinin bir hissəsi olaraq 42 tankeri qara siyahıya salmağı planlaşdırır.
Qaziler.az bildirir ki, “Reuters” bu barədə Avropa Komissiyasının sənədinə istinadən məlumat yayıb.
Sənədə görə, Gürcüstanın Kulevi terminalı və İndoneziyanın Karimun limanı Rusiya nefti ilə bağlı əməliyyatlarda iştirak etdikləri üçün sanksiyaların hədəfi ola bilər.
Paketə həmçinin Tacikistan, Laos və Qırğızıstandakı bir neçə banka qarşı sanksiyalar da daxil ediləcək. Eyni zamanda, “Reuters” xəbər verir ki, Aİ iki Çin bankına qarşı məhdudiyyətləri aradan qaldırmaq niyyətindədir. Yeni paket həmçinin ilk dəfə olaraq Rusiya neftinin dəniz yolu ilə bağlı hər hansı əməliyyata tam qadağa qoymağa çalışacaq.
QAZİLER.AZ
