Turkstan.az saytından verilən məlumata əsasən, ain.az məlumatı açıqlayır.
Bəşər Əsədlə bağlı yayılan yeni iddialar onun dövlət idarəçiliyindən çox şəxsi münasibətlərinə və saray daxilindəki qapalı həyata diqqət yetirdiyini irəli sürür.
Turkustan.az xəbər verir ki, iddialara görə, Əsəd dövlət işlərinə laqeyd yanaşıb və şəxsi münasibətlərini prioritet hesab edib.
Bu kontekstdə onun ən yaxın silahdaşlarından biri olan Luna əl-Şibl diqqət mərkəzinə düşür. Keçmiş “Əl-Cəzirə” jurnalisti olan Şibl Əsədin müşaviri kimi fəaliyyət göstərib və eyni zamanda onunla romantik münasibətdə olduğu iddia olunur.
Saray mənbələrinin iddialarına görə, Luna əl-Şibl Əsəd üçün digər qadınlarla da əlaqələr qurub. Bildirilir ki, bu qadınlar arasında yüksək vəzifəli Suriya rəsmilərinin həyat yoldaşları da olub. Şiblin həmçinin xalqdan tam təcrid olunmuş, elitist və qapalı saray mühitinin formalaşdırılmasında mühüm rol oynadığı iddia edilir.
2024-cü ilin iyul ayında Luna əl-Şibl Dəməşq yaxınlığındakı magistral yolda BMW markalı avtomobildə ölü tapılıb. Rəsmi qurumlar hadisəni yol-nəqliyyat qəzası kimi təqdim etsə də, açıqlanan detallar suallar doğurub. Məlumata görə, avtomobil ciddi zərər görməyib, lakin Şiblin kəllə sümüyündə ağır travma aşkar edilib.
Bu ölümlə bağlı müxtəlif ehtimallar səsləndirilir. Bəzi iddialara görə, İran Şibli İsrailə məlumat ötürdüyü üçün aradan götürmək istəyib. Digər mənbələr isə əmrin birbaşa Əsəd tərəfindən verildiyini iddia edir. Həmin versiyaya əsasən, Şibl Əsədin hakimiyyətinin zəiflədiyini anlayaraq Rusiya ilə əlaqə qurub və bu addım onun devrilməsində rol oynayıb.
Keçmiş saray rəsmiləri və hərbçilər iddia edirlər ki, Əsəd ölkə dərin böhran içində olduğu dövrdə saatlarla mobil telefonunda oyun oynayıb. Bildirilir ki, o, xüsusilə “Candy Crush” kimi mobil oyunlara üstünlük verib və hərbi-siyasi problemlərdən yayınmağa çalışıb.
Aytən Yaşar/ Turkustan.az
Daha ətraflı məlumat və yeniliklər üçün ain.az saytını izləyin.
