Yaponiyada yeni virus aşkarlanıb » AzadMedia.az

Yeni yeni virus mürəkkəb həyatın mənşəyi ilə bağlı mühüm ipucları ortaya qoyub

Yaponiyada aşkar edilən yeni nəhəng virus alimlərə mürəkkəb həyat formalarının yaranması ilə bağlı mühüm elmi dəlillər təqdim edib. Journal of Virology jurnalında dərc olunan araşdırmaya əsasən, virus ev sahibi hüceyrə daxilində hüceyrə nüvəsinə bənzər funksiyalar yerinə yetirən xüsusi struktur yaradır.

Ushikuvirus adlandırılan virus Tokio yaxınlığında yerləşən Uşiku şəhəri ərazisindəki şirin su hövzəsində aşkarlanıb. Amöbləri yoluxduran bu virus nəhəng viruslar qrupuna daxildir və ölçüsü, həmçinin genomunun mürəkkəbliyi ilə seçilir.
Məlumata görə, Ushikuvirus hüceyrəyə daxil olduqdan sonra onun nüvə qişasını məhv edir və “viral fabrik” adlanan izolyasiya olunmuş struktur formalaşdırır. Bu strukturda virusun DNT-si çoxalır və yeni virus hissəcikləri yığılır. Alimlər bildirirlər ki, quruluş və funksiyalarına görə bu viral fabrik hüceyrə nüvəsini xatırladır.

Tədqiqatçılar hesab edirlər ki, bu müşahidələr eukariot hüceyrələrin mənşəyinin viruslarla bağlı olması hipotezini gücləndirir. Həmin nəzəriyyəyə görə, qədim dövrlərdə iri DNT virusları ilkin hüceyrələrlə qarşılıqlı təsirə girərək zamanla hüceyrə nüvəsinin formalaşmasına səbəb olub.

Alimlər vurğulayırlar ki, nəhəng virusların öyrənilməsi eukariotların necə yarandığını anlamaq baxımından xüsusi əhəmiyyət daşıyır və gələcək tədqiqatlar bu sahədə yeni kəşflərə yol aça bilər.