General-leytenant Vladimir Alekseyevə qarşı sui-qəsd cəhdinin icraçısı 2025-ci ilin avqust ayında Ukrayna Təhlükəsizlik Xidməti (SBU) tərəfindən işə götürülüb. Cinayətkar Ternopolda anadan olan 66 yaşlı Lubomir Korbadır. Təhlükəsizlik xidmətinin məlumatına görə, o, Kiyevdəki atış poliqonunda atıcılıq təlimi keçib.
Bu barədə FSB-nin məlumatında deyilir. FSB-nin mətbuat açıqlamasına görə, Korba Polşa kəşfiyyat xidmətlərinin köməyi ilə Ukrayna kəşfiyyat orqanında işə götürülüb. FSB iddia edir ki, o, Moskvada yüksək rütbəli hərbi məmurlar üzərində nəzarət aparıb və bundan sonraAlekseyevi öldürmək əmrini alıb. Sui-qəsd üçün ona 30.000 dollar vəd edilib. O, tapançanı Moskva bölgəsindəki anbardan götürüb.
Generala qarşı sui-qəsd cəhdi 6 fevral səhəri Moskvada Volokolamsk şossesindəki yaşayış binasında baş verib. Hücumçu liftin foyesində atəş açıb. Vladimir Alekseev güllə yaraları alıb və ağır vəziyyətdə xəstəxanaya yerləşdirilib, əməliyyat olunub. "Kommersant" qəzetinin məlumatına görə, o, 7 fevral səhəri özünə gəlib.
QRU rəisinin müavininə qarşı sui-qəsd cəhdi ilə bağlı iki nəfər saxlanılıb. Lyubomir Korba Dubaydan ekstradisiya edilib. Onun əlbir olduğu Rusiya vətəndaşı Viktor Vasin Moskvada saxlanılıb. Cinayətdə əli olduğu iddia edilən Zinaida Serebritskaya isə Ukraynaya qaçıb.
RİA Novosti FSB-nin təqdim etdiyi dindirmə görüntülərinə istinadən bildirib ki, Korba sui-qəsd əmrini 2025-ci ilin dekabr ayında aldığını və əməlindən peşman olduğunu bildirib.
SAMİRƏ
