“O, bizə inanır”.
Sportinfo.az xəbər verir ki, bu sözləri “Neftçi”nin yarımmüdafiəçisi Andrey Ştoqrin deyib.
Ukraynalı legioner yeni baş məşqçi, həmyerlisi Yuri Vernidub barədə müsbət fikirlər səsləndirib:
“Bu cür davam etsək, 100 faiz gələn mövsüm daha iddialı ola, çempionluq uğrunda mübarizə apara bilərik.
Premyer Liqanın növbəti turunda “Qəbələ” ilə qarşılaşacağıq. Onlar yaxşı rəqibdir.
Qış fasiləsindən sonra ardıcıl iki qələbə qazanıblar. Odur ki, bizi çox maraqlı oyun gözləyir. Hədəfimiz qələbə qazanmaqdır".
