Hazırda “Əl-Qaidə”nin bütün dünya üzrə 25.000 döyüşçüsü var. Bu, 2001-ci ilin 11 sentyabr hadisəsi zamanı olduğundan 50 dəfə çoxdur. O zaman terror təşkilatının cəmi 500 üzvü var idi.
Senzor.az bildirir ki, BMT Monitorinq Qrupunun son məlumatlnda belə deyilir.
Monitorinq Qrupu terrorçu təşkilatın həm də çoxqütblü forma aldığını vurğulayıb. Qeyd olunub ki, hazırda o bir neçə bölgəyə yayılıb və fəal şəkildə Qərbdə əməliyyatlar planlaşdırır. Gəncləri sıralarına cəlb etmək üçün intensiv iş aparır. Yeni texnologiyalardan istifadə edərək, silahlar yaratmağa çalışır. Üstəlik, girovlar ələ keçirmək və şantaj yolu ilə maliyyə imkanlarını da artrır.
