ABŞ prezidenti Donald Trampa yaxın olanlar Venesuela müxalifət lideri Maria Karina Maçadodan getdikcə daha çox məyus olur və onu dağıdıcı amil adlandırırlar.
Publika.az xəbər verir ki, bu barədə "Politico" nəşri məlumat yayıb.
Ağ Evin adını açıqlamayan müşaviri bildirib ki, Maçadonun Venesuelada bir il ərzində seçkilərin keçirilməsi ilə bağlı bəyanatı Vaşinqtonda mənfi reaksiya doğurub. Nəşrin həmsöhbəti vurğulayıb ki, ABŞ Venesuelada Maçadonun maraqları naminə deyil, öz milli təhlükəsizliyini təmin etmək məqsədilə hərəkət edib.
Mənbə hesab edir ki, o, dağıdıcı amildir və ABŞ-ın milli təhlükəsizlik məqsədlərinə qarşı işləyir.
Ağ Evin Maçadodan narazı qalmasının yeganə səbəbinin bu olmadığı dəqiqləşdirilir. Xüsusilə, mənbələr Venesuelada islahatların aparıldığı dövrdə onun səbirli olacağına ümid etdiklərini bildiriblər.
