Amerikalı reper Lil Conun oğlu DJ Younq Slade (əsl adı Nathan Smit) 27 yaşında dünyasını dəyişib.
"Unikal" xəbər verir ki, üç gün davam edən axtarışdan sonra onun meyiti evinin yaxınlığındakı göldə tapılıb. Polis hadisədə şübhəli bir hərəkət olmadığını bildirib. Lakin hələlik onun hansı səbəbdən öldüyü müəyyən edilməyib.
Hadisə Corciya ştatının Milton şəhərində baş verib. Smit 3 fevralda evindən çıxıb və bundan sonra ondan xəbər almaq mümkün olmayıb. Smit özü ilə telefonunu da götürməyib. Axtarışlar zamanı onun meyiti göldə aşkarlanıb.
