Yunanıstan yüksək rütbəli hərbçinin casusluqda iştirak etdiyi iddialar səbəbindən çalxalanır.
Publika.az “Milliyyet” qəzetinə istinadla xəbər verir ki, Afinada Çinə casusluq etməkdə şübhəli bilinərək saxlanılan 54 yaşlı hava qüvvələri polkovniki ilə bağlı istintaq genişləndirilib. Təhlükəsizlik orqanları şübhəlinin Çinlə əlaqələrini müəyyən etməyə çalışır və oxşar işlərdə adı çəkilən digər şəxsləri və əlaqələri də araşdırır.
Saxlanılan zabitin 2024-cü ildən bəri Çin tərəfi ilə əlaqə saxladığı iddia edilir.
Şübhəli milli maraqlara zərər verə biləcək məxfi hərbi məlumatların toplanması və ötürülməsində ittiham olunur.
Səlahiyyətlilər bildiriblər ki, zabit istintaqla əməkdaşlıq edir və ona rəhbərlik etdiyi iddia edilən 40-45 yaşlarındakı şəxsin təsvirini verib.
