Azərbaycanın ağır çəkili kikboks ulduzu Bəhram Rəcəbzadə GLORY-də növbəti şousunu göstərib.

Azia.az Fanat.Az-a istinadən xəbər verir ki, bu gün baş tutan turnirdə "qızıl canavar" rumıniyalı Kristian Ristea ilə qarşılaşıb.

Döyüşün başlama zəngindən cəmi 16 saniyə keçmiş Bəhram sarsıdıcı zərbələri ilə rəqibini ağır nokauta salaraq qələbəni bayram edib.

Ristea nə baş verdiyini anlamadan özünü yerdə tapıb və hakimin müdaxiləsi ilə döyüş dərhal dayandırılıb.

Bu, təmsilçimizin karyerasındakı ən sürətli və möhtəşəm qələbələrdən biri kimi yadda qalacaq.

Kamil Xudiyev