BAKI, 8 fevral. TELEQRAF
Yaponiya Baş naziri Sanae Takaici fevralın 8-də keçirilən parlamentin aşağı palatasına növbədənkənar seçkiləri elan etməklə öz hökumət başçısı postunu riskə atdığını etiraf edib.
Teleqraf xəbər verir ki, o, bunu seçicilərə videomüraciətində bildirib.
“Bu seçkilərə hökumət başçısı vəzifəmi ortaya qoyaraq gedirəm”, - o, videomüraciətində deyib.
Takaici qeyd edib ki, rəy sorğularında LDP-nin inamlı qələbə qazanacağı göstərilsə də, partiyanın hər bir tərəfdarı mütləq səsvermədə iştirak etməlidir. Onun sözlərinə görə, bəzi hallarda namizədlər cəmi yüzə yaxın səs fərqi ilə məğlub olub.
“Bu, seçki sistemimizdə hər bir səsin nə qədər önəmli olduğunu göstərir”, - deyə baş nazir vurğulayıb.
O, həmçinin tərəfdarları arasında yayılan səs verməmək də ola kimi əhval-ruhiyyələrin ciddi təhlükə yaratdığını etiraf edib.
Qeyd edək ki, 8 fevralda Yaponiyada parlamentin aşağı palatasına növbədənkənar seçkilər keçirilir. Seçkilərdə 1 284 namizəd iştirak edir. Onlar 289 mandat uğrunda birmandatlı dairələrdə, 176 yer uğrunda isə partiya siyahıları üzrə mübarizə aparırlar.
