Rusiya məqsədli şəkildə Ukraynanın enerji sisteminə zərbələr endirir, bu isə nüvə elektrik stansiyalarının kritik rejimlərdə işləməsinə səbəb olur və bütün Avropa üçün genişmiqyaslı nüvə qəzası riski yaradır.
APA xəbər verir ki, bu barədə Ukraynanın xarici işlər naziri Andriy Sibiha bildirib.
Nazirin sözlərinə görə, sistemli zərbələr nəticəsində fəaliyyətdə olan üç Ukrayna nüvə elektrik stansiyası gücünü azaltmağa məcbur qalır, bəzi hallarda isə enerji bloklarının avtomatik söndürülməsi baş verir.
Diplomat qeyd edib ki, vəziyyət Rovno və Xmelnitski nüvə elektrik stansiyalarının əraziləri üzərində Rusiya dronlarının mütəmadi uçuşları ilə daha da mürəkkəbləşir.
Nazirin sözlərinə əsasən, hazırda vəziyyət yalnız stansiya personalının peşəkarlığı sayəsində nəzarətdə saxlanılır, lakin Rusiya gərginliyi qəsdən artırmaqda davam edir.
