Pedofil qalmaqalı ilə gündəmdə olan milyarder Ceffri Epşteynin ən yaxın adamlarından biri və ortağı kimi tanınan Ghislaine Maxwellin həbsxana kamerasına aid 10 saatlıq təhlükəsizlik görüntüləri ictimaiyyətə təqdim olunub.
"Unikal" xarici mediaya istinadən xəbər verir ki, yayımlanan kadrlar Maxwellin cəzaçəkmə müəssisəsindəki gündəlik həyatını əks etdirir.
Yaxın günlərdə ABŞ Konqresində ifadə verməsi gözlənilən Ghislaine Maxwellin açıqlamalarının dünya miqyasında ciddi rezonans doğura biləcəyi bildirilir. Çünki Maxwell Epstein dosyasında sağ qalan və baş verənləri bütün detalları ilə bilən əsas fiqurlardan biri hesab olunur.
Mütəxəssislərin fikrincə, onun ifadəsi Epşteyn qalmaqalında indiyədək qaranlıq qalan məqamların üzə çıxmasına və bir sıra nüfuzlu şəxslərin adlarının yenidən gündəmə gəlməsinə səbəb ola bilər.
