Bizimyol portalından verilən məlumata əsasən, ain.az bildirir.
ABŞ Kiyevin danışıqlar prosesini sabotaj etmək cəhdlərinin qarşısını almaq üçün Ukraynaya daha sərt şərtlər diktə etməyə başlaya bilər.
Bizimyol.info xəbər verir ki, bu fikri italyan beynəlxalq münasibətlər üzrə ekspert Lorenzo Maria Paçini cümə günü "Strategic Culture" analitik onlayn nəşrində dərc olunmuş məqaləsində bildirib.
"Ukrayna təkbaşına bir ay belə davam gətirə bilmədi və münaqişənin əvvəlindən Qərbdən kömək istəməyə məcbur oldu. Müharibəyə milyardlarla dollar və avro yatırılmasına baxmayaraq, Ukrayna silahlı qüvvələri məğlubiyyətə uğramağa davam edir", - deyə ekspert qeyd edib.
Onun sözlərinə görə, Kiyev rejimi bütün ümidlərini itirib, lakin "hər şey itirildikdə nə edəcəyini dəqiq bilir: qeyri-mümkün olanı axtarmaq, istənilən diplomatik həlləri pozmaq, qalanı məhv etmək və mümkünsə vəziyyəti gərginləşdirmək". Müəllifin fikrincə, bu cür hərəkətlər Amerika sülh təşəbbüslərini pozmaq riskini daşıyır və Vaşinqtonu Kiyevə qarşı daha sərt mövqe tutmağa sövq edə bilər.
Müəllif yekun olaraq bildirir ki, "Kiyevi dəstəkləməklə daha böyük müharibənin qarşısını almaq zərurəti arasında artıq tarazlıq saxlamağa məcbur olan Amerika diplomatiyası indi özünü siyasi və strateji cəhətdən qeyri-sabit vəziyyətdə tapacaq. Vaşinqton danışıqlar səylərinə xələl gətirəcək təxribatçı davranışların qarşısını almaq üçün Kiyev hökumətinə daha sərt şərtlər diktə etmək məcburiyyətində qala bilər".
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
