Donald Trampın əvvəlki prezidentlik müddətində Tehrana sərt sanksiyalar tətbiq etməsindən sonra Rusiya rejimi dəstəkləmək üçün gizli şəkildə İrana milyardlarla dollar nağd pul köçürüb.
Lakin, oxşar ödənişlərin bu gün də edilə biləcəyi ilə bağlı narahatlıqlar var, çünki İran Rusiyanın Ukraynadakı müharibəsini dəstəkləmək üçün milyardlarla dollar dəyərində “Şahed-136” intiharçı dronları və “Fəth-360” qısa mənzilli ballistik raketlər tədarük edir.
“The Telegraph” qəzetinin əldə etdiyi sənədlər göstərir ki, Moskvanın sanksiyalardan yayınmaq üçün istifadə etdiyi “Promsvyazbank” ilk çatdırılmanı 13 avqust 2018-ci ildə – Trampın Tehrana sanksiyalar tətbiq edən sərəncam imzalamasından bir həftə sonra həyata keçirib. Bu göndəriş, ehtimal ki, qatarla Həştərxan limanına, sonra gəmi ilə Xəzər dənizindən Əmirabad limanına və daha sonra qatarla yenidən Tehrana daşınmış 57,3 milyon dollar dəyərində 110 kiloqram nağd puldan ibarət olub.
Hər göndərişin çəkisi və dəyəri nəzərə alınmaqla, nağd pulun 500 avroluq əskinaslarda qablaşdırıldığı güman edilir, baxmayaraq ki, onların dəyəri ABŞ dolları ilə göstərilib.
//Samir Qurbanov, Editor.az
