Ermənistanın iqtisadiyyat naziri Gevork Papoyanın sözlərinə görə, İrəvan bir neçə il ərzində TRIPP (Zəngəzur dəhlizi) vasitəsilə Ermənistanla Azərbaycan arasında birbaşa dəmir yolu xidmətinin açılmasına ümid edir.
O, xatırladıb ki, hazırda Azərbaycanla Ermənistan arasında aktiv ticarət yoxdur. Nazir izah edib ki, iki ölkənin bazarları hələ də bir-biri ilə tanış deyil. O, ticarət əlaqələrinin qurulmasının vaxt və ilk növbədə özəl sektorun və biznesin iştirakı tələb etdiyini vurğulayıb.
Papoyan vurğulayıb ki, dövlət ticarətə lazımi şəraiti təmin etmək üçün öz nəzarəti daxilində tədbirlər görür: siyasi razılaşmalar üzərində işləyir, yollar açır və dəmir yolu əlaqələrini aktivləşdirmək üçün addımlar atır. Nazir aydınlaşdırıb ki, Azərbaycanla birbaşa dəmir yolu xidmətinin istifadəyə verilməsindən əvvəl alternativ rabitə variantlarından istifadə edilə bilər. “Bu, vaxt aparan mürəkkəb bir prosesdir.”, –Papoyan bildirib.
O əlavə edib ki, Ermənistan və Azərbaycan mümkün qarşılıqlı təchizat üçün malların siyahısını mübadilə ediblər. İndi Bakı və İrəvanda işgüzar dairələrin reaksiyasını gözləyirlər.
//Samir Qurbanov, Editor.az
