"Bavariya" klubu müdafiəçisi Saşa Boeylə yollarını müvəqqəti ayırıb.
QOL.az xəbər verir ki, 25 yaşlı futbolçu mövsümün sonuna qədər icarə əsasında "Qalatasaray"a keçib.
Qeyd edək ki, fransalı cinah müdafiəçisi 2024-cü ilin yanvarında məhz İstanbul nəhəngindən Münhen təmsilçisinə transfer olunmuşdu. Bu müddət ərzində o, "Bavariya" forması ilə bütün turnirlərdə 38 oyuna çıxıb, 1 qol və 5 məhsuldar ötürmə ilə yadda qalıb.
Xatırladaq ki, Boeyin Almaniya klubu ilə müqaviləsi 2028-ci ilin yayına qədər qüvvədədir.
