İş müsahibəsində hər kəs qarşı tərəfin yaddaşında ağıllı biri kimi qalmaq istəyir. Ancaq müsahibədə ağıllı görünmək təkcə nə bildiyinizlə deyil, bildiyinizi necə təqdim etdiyinizlə bağlıdır. “Ağıllı” imici müsahibə aparanın şüurunda adətən özünə inam, hazırlıq və ünsiyyət bacarıqlarının birləşməsi ilə formalaşır.
Ölkə.az müsahibədə ağıllı görünməyin 3 kritik üsulunu təqdim edir:
1. “Aktiv dinləmə” və strateji fasilə
Ağıllı insanlar sualı eşidən kimi dərhal cavab vermir, əvvəlcə sualı tam başa düşdüklərini göstərirlər.
Metod:
Çətin bir sual verildikdə, cavabdan əvvəl 2–3 saniyəlik qısa fasilə verin. Bu, əzbərlənmiş cavab vermədiyinizi, həmin an düşünüb sintez etdiyinizi göstərir.
İpucu:
“Bu çox dərin bir sualdır, bir neçə saniyə düşünüb cavab vermək istərdim” demək, tələsik danışan birindən qat-qat daha ağıllı təsir bağışlayır.
2. Suala sualla cavab vermək (analitik dərinlik)
Müsahibə aparanlar verilən tapşırıqların və sualların arxa planını araşdıran namizədləri daha ağıllı hesab edirlər.
Metod:
Uğur hekayənizi danışmazdan əvvəl şirkətin vizyonu ilə əlaqə yaradacaq kiçik dəqiqləşdirici sual verin. Məsələn: “Bu layihədəki uğurumu izah edə bilərəm, amma cavabımın sizin şirkətdəki X prosesi ilə, yoxsa Y hədəfi ilə daha çox əlaqəli olmasını istədiyinizi bilsəm, daha səmərəli olar.”
Təsiri:
Bu yanaşma sizin sadəcə işi icra edən yox, strateji düşünən biri olduğunuzu göstərir.
3. “STAR” texnikası ilə strukturlaşdırılmış hekayə
Zəkanın ən güclü göstəricilərindən biri mürəkkəb mövzuları sadə və sistemli şəkildə izah etmək bacarığıdır. Dağınıq danışıq ağıllı imicini zəiflədir.
Metod:
Cavablarınızı bu struktur üzrə qurun:
S (Situation): Vəziyyət nə idi?
T (Task): Sizin vəzifəniz nə idi?
A (Action): Nə etdiniz? (Zəkanızı burada göstərin)
R (Result): Nəticə nə oldu? (Rəqəmlərlə ifadə edin)
İpucu
“Çox çalışdıq və uğur qazandıq” demək əvəzinə, “Veriləri analiz edərək 20 faizlik səmərəlilik itkisini müəyyən etdim və X metodunu tətbiq edərək bu itkini qazanca çevirdim” deməyiniz analitik zəkanızı birbaşa ön plana çıxarır.
Həmidə İbrahimova
