ABŞ-ın Birinci xanımı Melaniya Tramp Rusiyaya zorla aparılan ukraynalı uşaqların daha çox geri qaytarılmasını təmin etmək üçün Rusiya Prezidenti Vladimir Putinin komandası ilə əlaqə saxlamağa davam edir.
Herbiand.az bu barədə Reuters agentliyinə istinadən bildirir.
“Mən bunun üzərində işləyirəm və biz bu prosesdəyik. Ümid edirəm ki, çox tezliklə uğur qazanacağıq” - Melaniya Tramp deyib.
Birinci xanım öz nümayəndələri ilə Putinin komandası arasında danışıqların təfərrüatlarını açıqlamayıb. Lakin onun nümayəndələrindən biri qeyd edib ki, Melaniya Trampın qaçırılan ukraynalı uşaqlar haqqında Putinə məktub yazmasından sonra rabitə kanalları davam edir. Həmin məktubu prezident Donald Tramp şəxsən 2025-ci ilin avqustunda Putinə çatdırıb.
O vaxtdan bəri 15 uşaq Ukraynaya qaytarılıb.
Bəxtiyar CƏFƏRLİ
