Gəncə şəhər Mənzil Kommunal Təsərrüfatı İstehsalat Birliyində (MKTİB) kütləvi ixtisarlara başlanılıb.
İlkin olaraq qurumda əmək müqaviləsi bitən, daxili nizam-intizam qaydalarını pozan, pensiya yaşına çatan işçilərin əmək müqaviləsinə xitam verilir. Bu proses yanvar ayından başlayaraq həyata keçirilir.
Qurumdan Moderator.az-a bildirilib ki, MKTİB-də aparılan ixtisarlar infrasturkturun optimallaşdırılması məqsədi ilə Nazirlər Kabinetinin 2025-ci il 22 dekabr tarixli qərarı əsasında həyata keçirilir.
Struktur dəyişkliyi MKTİB-nin tabeliyində olan bütün sahələri əhatə edəcək. Qurumdan neçə işçinin çıxarılması isə hələki, tam məlum deyil.
