ABŞ prezidenti Donald Tramp faktiki olaraq vitse-prezident J.D. Vens və dövlət katibi Marko Rubionu 2028-ci il seçkilərində əsas varisləri hesab etdiyini etiraf edib, lakin onlardan hansını Respublikaçıların prezidentliyə namizədi kimi gördüyünü açıqlamayıb.
"Düşünürəm ki, J.D. və Markonun kombinasiyasını məğlub etmək çox çətin olardı, amma siyasətdə heç vaxt bilmək olmaz", - deyə o, NBC News-a verdiyi müsahibədə bildirib. Tramp hələlik yekun qərarın verilmədiyini və Respublikaçıların "əla namizədlər heyətinə" sahib olduğunu vurğulayıb.
Amerika lideri Vens-Rubio kombinasiyasında kimə üstünlük verdiyini açıqlamaqdan imtina edib. "Bunun təfərrüatlarına varmaq istəmirəm; hələ üç ilimiz var. Mənim əla iş görən iki nəfərim var və mən müzakirəyə başlamaq istəmirəm. J.D. fantastikdir, Marko isə fantastikdir. Düşünürəm ki, hər ikisi çox ağıllıdır, onlardan biri bir az daha diplomatikdir. Onların üslublarında bəzi fərqlər var", - deyə Tramp qeyd edib.
Vitse-prezident J.D. Vens Trampın varisi və növbəti seçkilərdə partiyanın prezidentliyə namizədi kimi namizəd olma şansı ən yüksək olan Respublikaçı hesab olunur. 2025-ci ilin noyabr ayında o, hələ prezidentliyə namizədliyini düşünmədiyini, lakin 2026-cı ilin noyabr ayındakı ara seçkilərdən sonra Trampla müzakirə etməyə hazır olduğunu bildirib.
Əziz MUSTAFA
