Nyu-York şəhərinin meri Zöhran Mamdani mətbuat konfransında bildirib ki, qeyri-adi soyuq hava şəraitində çoxsaylı ölüm halları qeydə alınıb.
Publika.az xəbər verir ki, onun sözlərinə görə, 17 nəfər ölüb. İlkin məlumatlara görə, onlardan 13-ü hipotermiyadan, üçü isə narkotikin həddindən artıq dozasından ölüb, daha birinin ölüm səbəbi isə müəyyən edilir. Merin sözlərinə görə, ölənlərdən heç biri rəsmi evsizlər üçün sığınacaqlarda qalmayıb.
Mamdani qeyd edib ki, hazırda 1100-dən çox insan şəhər evsizləri düşərgələrində yerləşdirilib.
