Azərbaycan Respublikası Kənd Təsərrüfatı Nazirliyinin tabeliyində fəaliyyət göstərən “Balıqçılıq və Akvakultura Mərkəzi” PHŞ xidməti avtomobillərin satın alınması ilə bağlı tender elan edib.
NOCOMMENT.az xəbər verir ki, tender çərçivəsində ümumilikdə 500.100,00 AZN məbləğində xidməti nəqliyyat vasitələrinin alınması nəzərdə tutulur. Satınalma bir ədəd 2026-cı il istehsalı olan SUV tipli xidməti avtomobil və beş ədəd pikap tipli (Double Cab) xidməti nəqliyyat vasitəsini əhatə edir.
Xatırladaq ki, Kənd təsərrüfatı naziri Məcnun Məmmədovdur. Kənd Təsərrüfatı Nazirliyinin tabeliyində olan Balıqçılıq və Akvakultura Mərkəzinin direktoru isə Ceyhun Əliyevdir. /32gun.az/
