Mərakeşin müxtəlif bölgələrini ağuşuna alan güclü yağışlar nəticəsində yaranan sel və daşqınlardan sonra dörd bölgədən 108 mindən çox insanın təxliyə edildiyi bildirilib.
Mərakeş Daxili İşlər Nazirliyindən verilən açıqlamada, ölkənin müxtəlif ərazilərində təsirli olan leysan yağışların ciddi sel və daşqınlara yol açdığı qeyd olunub. Açıqlamada vurğulanıb ki, vətəndaşların təhlükəsizliyini təmin etmək məqsədilə risk dərəcələri və gözlənilən zərərin miqyası nəzərə alınaraq, bir qrup yaşayış məntəqəsinin sakinlərinin mərhələli şəkildə təxliyə edilməsinə qərar verilib.
Nazirliyin məlumatına görə, təxliyə rəqəmləri bölgələr üzrə aşağıdakı kimidir:
Laraş bölgəsinin Əl-Ksar Əl-Kəbir şəhərindən 81 709 nəfər;Sidi Qasım bölgəsindən 9 728 nəfər;Sidi Süleyman bölgəsindən 2 853 nəfər;Kuneytra bölgəsindən 14 133 nəfər.
Bildirilib ki, 108 423 nəfər təxliyə edilərək daha təhlükəsiz yerlərə köçürülüb.
Qeyd olunub ki, rəsmi qurumlar bölgədəki vadilərdə suyun səviyyəsinin qalxması riski ilə üzləşən ərazilərdəki vətəndaşları təxliyə etmək üçün Tetuan, Əl-Ksar Əl-Kəbir və Sidi Qasımda intensiv çöl işlərini davam etdirirlər.
