ain.az, Modern.az saytından verilən məlumata əsaslanaraq xəbər yayır.
İran ABŞ Hərbi-Dəniz Qüvvələrinin reaksiyasını yoxlamaq və hərbi gücünü nümayiş etdirmək məqsədilə ABŞ aviadaşıyıcısına doğru pilotsuz uçuş aparatı göndərib, həmçinin Amerika bayrağı altında üzən tankeri dayandırmağa cəhd göstərib.
Modern.az xəbər verir ki, bu barədə Müharibə Araşdırmaları İnstitutu (ISW) tərəfindən yayımlanan hesabatda bildirilir.
Hesabata görə, ilk insident çərşənbə axşamı Ərəb dənizi akvatoriyasında baş verib. İrana məxsus kəşfiyyat-zərbə tipli "Şahid-129" pilotsuz uçuş aparatı ABŞ-ın “Abraham Linkoln” aviadaşıyıcısına yaxınlaşıb və ABŞ Hərbi-Dəniz Qüvvələrinə məxsus F-35C qırıcısı tərəfindən ələ keçirilərək məhv edilib.
Bir neçə saat sonra İranın sürətli katerləri pilotsuz uçuş aparatının dəstəyi ilə Fars körfəzində ABŞ bayrağı altında üzən tankeri dayandırmağa cəhd göstərib. Hadisə ABŞ esminesinin cavab tədbirləri ilə qarşılanıb.
ISW analitikləri hesab edirlər ki, bu iki epizod “zondlayıcı fəaliyyətlər” adlandırılan davranış modelinə uyğundur. Belə addımların məqsədi qarşı tərəfin gücünü, mövqelənməsini və reaksiyasının xarakterini yoxlamaqla yanaşı, siyasi-hərbi mesaj ötürməkdir. Analitiklər qeyd edirlər ki, dronun aviadaşıyıcıya nə qədər yaxınlaşdığı məlum olmasa da, ABŞ zərbə qrupunun reaksiyası Tehrana ABŞ Hərbi-Dəniz Qüvvələrinin pilotsuz uçuş aparatlarına qarşı fəaliyyət taktikası barədə əhəmiyyətli məlumat verə bilər.
İnstitutun qiymətləndirməsinə görə, dron insidenti ilə tankerin dayandırılmasına cəhdin eyni vaxtda baş verməsi İranın ABŞ-ın dənizdəki hərbi fəallığına qarşı durmaq imkanlarını nümayiş etdirmək niyyətindən xəbər verir. ISW istisna etmir ki, bu hadisələr Tehranın mümkün ABŞ zərbəsini cilovlamaq məqsədilə dənizdə eskalasiyaya başlaya biləcəyinin ilkin əlamətləri ola bilər.
Hesabatda vurğulanır ki, "Şahid-129" kəşfiyyat-zərbə tipli pilotsuz uçuş aparatıdır və "Şahid-136" kamikadze dronlarından fərqlənir. Qeyd olunur ki, İran bu tip PUA-lardan Yaxın Şərqdə kəşfiyyat və İsrail, eləcə də ABŞ hədəflərinə zərbələr üçün aktiv şəkildə istifadə edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
