Bir çox insanın gündəlik həyatda zərərsiz hesab etdiyi bəzi vərdişlər bilmədən diş minasına zərər verə bilər. Üstəlik, bu davranışların çoxu demək olar ki, hər gün hər kəs tərəfindən təkrarlanır.
Ölkə.Az xəbər verir ki, Dişlərin tədricən aşınması bir çox insanın fərqinə varmadığı və səssizcə irəliləyən bir problemdir.
Əsl problem səhv fırçalama və ya genetikadan deyil, gün ərzində şüuraltı olaraq təkrarladığımız kiçik vərdişlərdən qaynaqlanır.
Bu davranışlar çox vaxt "zərərsiz" hesab edildiyi üçün illərlə davam edir. Diş minasını yavaş-yavaş aşındıran bu məkrli vərdişləri tanımaq və lazımi tədbirləri görmək ağız sağlamlığını qorumağın ən təsirli yollarından biridir.
Tez-tez nə isə yemək
Daim yemək və ya nə isə atışdırmaq ağızdakı turşu səviyyəsinin balansını pozur. Xüsusilə quru meyvələr və qablaşdırılmış qidalar diş səthinə yapışır və uzun müddət turşu yığılmasına səbəb olur.
Qazlı və şəkərli içkilərdən tez-tez istifadə
Qazlı içkilər, ətirli mineral sular və qablaşdırılmış meyvə şirələri yüksək turşu tərkibinə görə zamanla diş minasını zəiflədir. Bu içkilərin tez-tez və yavaş qəbulu dişlərin turşuya məruz qalma müddətini uzadır və eroziyanın sürətlənməsinə səbəb olur.
Ağızdan nəfəs almaq
Burun əvəzinə ağızdan nəfəs almaq ağzı qurudur və tüpürcək ifrazını azaldır. Halbuki tüpürcək dişləri turşulardan qoruyan təbii müdafiə mexanizmidir.
Yanlış ağartma üsulları
Çörək sodası və limon kimi zahirən təbii ev üsulları qısamüddətli ağartma təmin etsə də, uzun müddətdə diş minasına ciddi zərər verə bilər.
Dərhal diş fırçalamaq
Turşulu qidalar və ya içkilər qəbul etdikdən dərhal sonra dişlərinizi fırçalamaq yumşalan diş minasının daha da tez aşınmasına səbəb olur. Mütəxəssislər fırçalamadan əvvəl ən azı 30 dəqiqə gözləməyi məsləhət görürlər.
Billurə
