İcra hakimiyyətlərinin daha bir strukturu ləğv edildi

Azərbaycanın rayon və şəhər icra hakimiyyətlərində aparılan islahatlar çərçivəsində daha bir struktur ləğv olunub.

Publika.az xəbər verir ki, bu, icra hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyadır.

Yeni strukturda adıçəkilən komissiya yer almayıb.

Bunun əvəzində icra hakimiyyətlərində Uşaq hüquqlarının müdafiəsi üzrə komissiya yaradılıb.

Komissiyanın əməkdaşlarının sayı isə əvvəlki kimi iki nəfər olacaq. İcra başçısının böyük məsləhətçisi - Uşaq hüquqlarının müdafiəsi üzrə komissiyanın məsul katibi və komissiyanın məsləhətçi-psixoloqu.