Vətəndaşlara qarşı törətdiyi çoxsaylı dələduzluq, fırıldaq və cinayət əməllərinə görə, Vəkillər Kollegiyasının müraciəti əsasında 2020-ci ildə məhkəmə qərarı ilə fəaliyyətinə xitam verilmiş eks-vəkil Sevil Balasoltan qızı Hacıyeva barəsində məhkəmə qərarı çıxarılıb.
Azərbaycan Respublikası Ali Məhkəməsinin
Cinayət Kollegiyasının 18.12.2025-ci il tarixli
Q Ə R A R I
Xaçmaz Rayon Məhkəməsinin 07 may 2025-ci il tarixli hökmü ilə Hacıyeva Sevil Balasoltan qızının Azərbaycan Respublikası Cinayət Məcəlləsinin 128-ci maddəsi ilə təqsirli bilinib məhkum olunması barədə cinayət işi üzrə Sumqayıt Apellyasiya Məhkəməsinin Cinayət kollegiyasının 08 iyul 2025-ci il tarixli qərarından məhkum və zərərçəkmiş şəxsin nümayəndəsi tərəfindən verilmiş kassasiya şikayətlərinə əsasən işə Ali Məhkəmənin inzibati binasında açıq məhkəmə iclasında baxaraq
M Ü Ə Y Y Ə N E T D İ:
Xaçmaz Rayon Məhkəməsinin 07 may 2025-ci il tarixli hökmü ilə Hacıyeva Sevil Balasoltan qızının Azərbaycan Respublikası Cinayət Мəcəlləsinin 128-ci maddəsi ilə təqsirli bilinməsi və barəsində 07 (yeddi) ay müddətinə azadlığın məhdudlaşdırılması cəzası təyin edilməsi, cəza çəkdiyi müddətdə üzərinə yaşayış yerini hər gün saat 23:00-dan növbəti gün saat 06:00-dək tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, Bakı şəhərinin ərazi hüdudlarını tərk etməmək, müvafiq məhkəmə qərarı olmadan yaşayış yerini dəyişdirməmək, habelə cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulması, cəzasını yaşayış yeri üzrə çəkməsi, cəzasının əvvəli cəzasını icra edən orqanda qeydiyyata alındığı vaxtdan hesablanması, cəzanın icrasına nəzarət təqsirləndirilən şəxs yaşayış yeri üzrə Bakı Şəhər Probasiya İdarəsinə həvalə olunması, barəsində “başqa yerə getməmək haqqında iltizam” qətimkan tədbiri seçilməsi, barəsində seçilmiş “başqa yerə getməmək haqqında iltizam” qətimkan tədbiri hökm qanuni qüvvəsini alıb icraya yönəldilənədək dəyişdirilmədən saxlanılması HÖKM edilmişdir.
Həmin hökmdən təqsirləndirilən şəxs Hacıyeva Sevil Balasoltan qızı və zərərçəkmiş şəxslər tərəfindən verilmiş apellyasiya şikayətlərinə əsasən işə baxan Sumqayıt Apellyasiya Məhkəməsinin Cinayət Kollegiyasının 08 iyul 2025-ci il tarixli qərarı ilə apellyasiya şikayətləri təmin edilməmiş, Xaçmaz Rayon Məhkəməsinin 1(067)-27/2025 nömrəli, 07 may 2025-ci il tarixli hökmü dəyişdirilmiş, Sevil Hacıyeva təqsirli bilinərək 06 ay müddətinə azadlığın məhdudlaşdırılması cəzasına məhkum edilmiş və qalan hissədə hökmün dəyişdirilmədən saxlanması qərara alınmışdır.
Həmin qərardan məhkum Hacıyeva Sevil Balasoltan qızı və zərərçəkmiş şəxsin nümayəndəsi tərəfindən kassasiya şikayətləri verilmişdir.
Ali Məhkəmənin Cinayət Kollegiyası işə baxan məhkəmələrin məhkum Hacıyeva Sevil Balasoltan qızına təyin etdiyi cəzanın növü və həddi ilə əsaslı və ədalətli olduğundan razılaşır və Sumqayıt Apellyasiya Məhkəməsinin Cinayət kollegiyasının 08 iyul 2025-ci il tarixli qərarının qanuni, əsaslı və ədalətli olması nəticəsinə gəlir.
Şərh edilənlərə əsasən və Azərbaycan Respublikası Cinayət-Prosessual Məcəlləsinin 419.10.1-ci maddəsini rəhbər tutaraq, Azərbaycan Respublikası Ali Məhkəməsinin Cinayət Kollegiyası
Q Ə R A R A A L D I:
Hacıyeva Sevil Balasoltan qızının Azərbaycan Respublikası Cinayət Məcəlləsinin 128-ci maddəsi ilə təqsirli bilinib məhkum olunmasına dair cinayət işi üzrə Sumqayıt Apellyasiya Məhkəməsinin Cinayət kollegiyasının 1(105)-449/2025 nömrəli, 08 iyul 2025-ci il tarixli qərarı məhkum Hacıyeva Sevil Balasoltan qızı və zərərçəkmiş şəxsin nümayəndəsi tərəfindən verilmiş kassasiya şikayətlərinə münasibətdə dəyişdirilmədən saxlanılsın.
REDAKSİYADAN:
Məlumat üçün onu da qeyd edək ki, Sevil Hacıyeva həyətinə girən itə işgəncə verərək, amansızlıqla öldürən Xaçmaz rayon sakini, 86 yaşlı Balasoltan Daşdəmirovun qızıdır.
Qeyd edək ki, iti öldürən Balasoltan Daşdəmirov İnzibati Xətalar Məcəlləsinin 274-cü maddəsi ilə (Heyvanlarla rəhmsiz davranmaqla onların şikəst və ya tələf edilməsi) 500 manat məbləğində cərimə edilib. NUH.az
