“Real”ın və Braziliya millisinin hücumçusu Vinisiusun sevgilisi və məşhur model Virciniya Fonseka "Gshow" portalının karnaval fotosessiyasında iştirak edib.
Publika.az xəbər verir ki, Fonseka Braziliya karnavalının kult sayılan geyimlərini yenidən canlandırılıb. Virciniya 1998-ci ildə böyük rezonans doğurmuş, Luma de Oliveyranın təqdim etdiyi məşhur qara pantera kostyumunu təkrarlayıb.
Həmin vaxt Luma parad zamanı üzərində o dövrdəki həyat yoldaşı, oliqarx Eyke Batistanın adı yazılmış boyunluqla çıxış etmişdi. Vinisiusun sevgilisi də “Real”ın ulduz futbolçusunun adının yazıldığı boyunluq taxıb.
Virciniya bu barədə deyib: "Mən onu sevirəm və bunu tabeçilik kimi görmürəm. O, bunu görəndə deyəcək ki, mən dəliyəm. O, həmişə deyir: sən həyatımda tanıdığım ən dəli insansan".
