ain.az xəbər verir, Azertag saytına əsaslanaraq.
Bakı, 4 fevral, AZƏRTAC
“Dünyada 2 minə yaxın palçıq vulkanı var və onlardan 365-i Azərbaycan ərazisindədir. Ölkəmizin həm quru, həm də dəniz hissəsində palçıq vulkanları mövcuddur. Onlardan 8-i ada tipli palçıq vulkanlarıdır. Hər iki-üç ildən bir 2-3 püskürmə qeydə alınır”.
Bunu AZƏRTAC-a açıqlamasında Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələ ocaqlarının dinamikası şöbəsinin müdiri Səbinə Kazımova deyib.
2025-ci ildə iki palçıq vulkanının püskürməsinin qeydə alındığını bildirən S.Kazımova deyib: “Ən aktiv vulkan Lökbatan palçıq vulkanıdır. İndiyə kimi 26 püskürmə qeydə alınıb. Ötən il həm Lökbatan, həm də Otman-Bozdağ vulkanları püskürüb”.
Səbinə Kazımova bu ilin ötən dövründə cəmi bir - Hacıqabul rayonundakı Durandağ palçıq vulkanının növbəti püskürməsinin qeydə alındığını və uzun illərdən sonra prosesin baş verdiyini deyib. Həmçinin hazırda palçıq vulkanları ilə bağlı vəziyyətin stabil olduğunu diqqətə çatdırıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
