Pekin, 3 fevral, AZƏRTAC
Yaponiyada son 2 həftə ərzində müşahidə olunan şaxtalı və qarlı hava 27 nəfərin ölümünə səbəb olub.
AZƏRTAC Yaponiya mediasına istinadla xəbər verir ki, bu barədə ölkənin Yanğın və Fəlakətlərlə Mübarizə Agentliyi açıqlama yayıb.
Ölüm hallarının 12-si Niiqata, 6-sı Akita, digərləri Hokkaydo, Aomori, İvate, Yamaqata, Naqano və Şimane prefekturalarında qeydə alınıb.
Niiqata prefekturasının səlahiyyətli qurumları 2 nəfərin qar təmizləyərkən su ilə dolu çuxura düşərək, bir neçə nəfərin damdan yıxılaraq və ya qəfil xəstəlikdən öldüyünü açıqlayıb.
Agentlik şaxtalı və qarlı hava ilə əlaqədar 290 nəfərin xəsarət aldığını bildirib.
Şahin Cəfərov
AZƏRTAC-ın xüsusi müxbiri
Pekin
