Polşa Müdafiə Nazirliyinin uzun müddətdir çalışan əməkdaşı bu səhər Rusiya kəşfiyyatına casusluq etməkdə şübhəli bilinərək saxlanılıb.
Qaziler.az bildirir ki, bu barədə Polşa Müdafiə Nazirliyi X sosial media paylaşımında qeyd edilib.
"Bu səhər Müdafiə Nazirliyinin qərargahında uzun müddətdir çalışan bir işçi saxlanılıb. Şübhəli xarici kəşfiyyat xidməti ilə əməkdaşlıq etməkdə ittiham olunur", - məlumatda bildirilib.
Axıqlamada istintaqın Hərbi Əks-Kəşfiyyat Xidməti tərəfindən aparıldığı və məhkəmə proseslərinin davam etdiyi qeyd olunub.
Polşa xəbər saytı Onet-in məlumatına görə, Nazirliyin Müdafiə Strategiyası və Planlaşdırma Departamentində orta səviyyəli məmur kimi təsvir edilən şübhəli Rusiya kəşfiyyatına casusluq etməkdə şübhəli bilinir.
"Onet"ə danışan mənbə bildirib: "Xidmətlər bu şəxsin fəaliyyətini aylarla izləyib. Onların hərəkətləri diqqətlə sənədləşdirilib və təhlil edilib. Buna görə də, onlara qarşı toplanmış dəlillər olduqca güclüdür".
QAZİLER.AZ
