İranın ali dini lideri (Rəhbər) Əli Xamneyiyə verilən məlumatda yanvar etirazlarını yatırmaq üçün istifadə edilən sərt üsullara görə ictimaiyyətin qəzəbininartıq vətəndaşların küçələrə çıxarmağa mane olmadığı həddinə çatdığı bildirilib.
Mənbələrin iddiasına görə, ölkə rəhbərliyi əlavə xarici təzyiqin, xüsusən də ABŞ-nin mümkün zərbəsinin etiraz əhval-ruhiyyəsini yalnız yenilənmiş qətiyyətlə aşılaya biləcəyi qənaətinə gəlib.
“İnsanlar həddindən artıq qəzəblidir. Qorxu divarı uçub. Artıq qorxu yoxdur”,- mötədil fikirlərə malik keçmiş yüksək vəzifəli məmur vəziyyəti belə təsvir edib.
 |
| Xameneyi Trampın təklifi ilə razılaşmayıb |
Başqa bir mənbə bildirib ki, İranın əleyhdarları Xamneyinin hakimiyyətinə son qoymaq üçün yenidən nümayişlərə ümid edirlər və mümkün qiyam ölkədə zorakılığın artmasına səbəb olacaq.
- ABŞ-nin hücumu qəzəbli əhalinin nümayişləri ilə birləşərək, hakim rejimin süqutuna səbəb ola bilər. Bu, yüksək vəzifəli məmurlar üçün əsas problemdir və düşmənlərimiz də bunu istəyir”,- iranlı məmur vurğulayıb.
İranın siyasi elitasının keçmiş üzvləri olan bir neçə müxalif siyasətçi də hakimiyyətə“qaynayan xalq qəzəbinin”yaratdığı risk barədə xəbərdarlıq edib. Onların fikrincə, bu, mövcud idarəetmə sistemini məhv edə bilər.
- Soyuq yanvar ayında tökülən qaynar qan çayı tarixin gedişatını dəyişməyincə qaynamağa davam edəcək”,- 2011-ci ildən ev dustaqlığında olan keçmiş baş nazir Mirhüseyn Musəvi deyib.
Eyni zamanda, “Reuters” agentliyi diqqətə çatdırır ki, keçmişdə İsrail və ya ABŞ-nin zərbələri İran daxilində etiraz fəallığının artması ilə müşayiət olunmayıb.
Xatırladaq ki, daha əvvəl ABŞ prezidenti Donald Tramp Amerika armadasının İrana yaxınlaşdığını açıqlamışdı. Vaşinqton, xüsusən də Tehranın cavabaddımları atacağı təqdirdə bölgədəki qoşunlarını və müttəfiqlərini qorumaq üçün Yaxın Şərqə əlavə hava hücumundan müdafiə vasitələri, o cümlədən Terminal Yüksək Hündürlükdə Ərazi Müdafiəsi (THAAD) sistemləri yerləşdirir. İran rəsmiləri buna cavab olaraq bildiriblər ki, amerikalılar müharibə başlasa, bu, regional xarakter daşıyacaq.
Sahil İsgəndərov
AzVision.az
